في منتدى رقه شفت الملايين

في منتدى رقه شفت الملايين = مثل سخيف الروح ماشفت لله

الكايده غطت على الخود بالزين = ام العيون الناعسات المظله

اموت وحيى بين ذيك الحجاجين = متقابلات مثل رسم الاهله

الخشم سلة سيف فوق الشفاتين = والشعر الاشقر فوق كتفه يهله

سبحان من هو صورك ياريش العين = يالي جمعت الزين والعقل كله

لو شافك اللي كمل الطوع والدين =يجيك قلبه منحدر من محله

يابو الثمان اللي على الشهد حامين = عذبن زلال(ن) ليت حلقي يبله

انا دخيلك ياعذاب المزايين = حبل الوصل متى على الله نفله

ارحم رحمك اللي خلقنا من الطين = يكفي عذاب يابنت ياعونت الله

اسيرالغربة من شيوخ وسلاطين = نفسه عزيزة مايعيش مذله
بقلم المدير